مقصد حیات

اس میں لفظوں سے تراشے ہوئے موتی لاکھوں

ااس میں شامل ہے میرے دل کی دھڑکن دھڑکن

 جوانی اللہ تعالی کی بہت بڑی نعمت ہے۔آپ جو جوانی کی نعمت سے بہرہ مند ہیں، ابھی سے کوشش کریں کہ ایک مفید شخص ثابت ہوں اور آپ جو یہاں علم حاصل کر رہے ہیں کوشش کریں کہ اپنے لیے بھی اور اپنے ملک و قوم کیلیے بھی مفید قرار پائیں۔کوشش کریں کہ اپنی عمر برباد نہ کریں کیونکہ آپ عمر رسیدہ ہو کر کوئی مثبت کام کرنا بھی چاہیں گے تو ضعف و نقاہت اجازت نہیں دیں گے۔خدا کی عطا کی ہوئی اس طاقت اور امانت کو خدا کی راہ میں صرف کیجیے اور خدا کی راہ میں صرف کرنے کا مطلب یہ ہے کہ معاشرے کی بہتری،اسلامی جمہوریہ پاکستان کی بھلائی اور اسلام کی سر بلندی کیلیے کام کریں۔صرف اسی دنیا کو پیش نظر نہ رکھیں بلکہ آخرت بھی پیش نظررہے،فقط یہی دنیا سب کچھ نہیں ہے۔